Jeta e yjeve të kinemasë,duket në pamje të parë e lehtë dhe e thjeshtë; ata janë të pasur, jetojnë në luks dhe udhëtojnë anembanë globit. Shumica e njerëzve e kanë zili këtë stil jetese, dhe aktorët e bëjnë atë të duket kaq e lehtë, pasi të gjithë duket se bëjnë filma dhe fitojnë shumë para. Ndërkohë dihet shumë pak, mbi sakrificat që aktorët e përkushtuar bëjnë për të hyrë në brendinë e personazhit në çdo rol që ata realizojnë.
Robert De Niro shëtiste pasagjerë nëpër Nju Jork për rolin e tij tek “Shoferi i taksisë”
Roli i Robert De Niros në “Taxi Driver”, është një nga performancat më të mira të të gjitha kohërave. De Niro ishte i njohur për ndërmarrjen e akteve ekstreme për të hyrë nën“lëkurën” e personazhit që do të luante. Kështu, për këtë film, ai studioi sëmundjet mendore, dhe mori një licencë si shofer taksie. Ai do të shëtiste pasagjerë të rastësishëm nëpër Nju Jork për 12 orë çdo ditë, derisa të ishte plotësisht i përgatitur për rolin e Trevis Bickle.
Forest Whitaker mësoi një gjuhë afrikane për rolin e tij tek filmi “Mbreti i fundit i Skocisë”
Aktori amerikan Forest Whitaker bëri një punë fantastike duke luajtur Idi Amin,
Diktatorit të Ugandës. Por për t’u përgatitur për këtë rol, Whitaker mësoi gjuhën Swahili, për të pasur një bashkëpunim më të mirë me aktorët vendas. Përveç kësaj, aktori shtoi 22 kg në peshë, që t’i ngjante sa më shumë diktatorit famëkeq.
Christian Bale humbi 27 kg për rolin e tij në filmin“Makinisti”
Christian Bale, është një nga aktorët më të mirë të momentit. Për rolin e tij si Trevor Reznik në thrillerin psikologjik “The machinist”, Bale shkoi aq larg sa që humbi 27 kg për të ngjarë plotësisht me personazhin e punëtorit të fabrikës që vuante nga pagjumësia.
Regjisori kërkoi që skenari të ndryshohej sipas përmasave trupore të Bale, por aktori këmbënguli që të humbte gati një të tretën e peshës trupore, si një sfidë për të parë nëse do të ishte në gjendje ta bënte këtë.
Heath Ledger u izolua nga bota e jashtme për rolin e tij në “The Dark Knight”
Performanca e Heath Ledger në “The Dark Knight” (Kalorësi i Errët, rikthimi i Batmanit), është padyshim një nga më të mirat e të gjitha kohërave. Për të hyrë në “lëkurën” e personazhit të tij, Xhokerit, Ledger u mbyll në një dhomë hoteli për 6 javë para fillimit të xhirimeve.
Izolimi dha frytet e veta, dhe Xhoker e la në hije Christian Bale në rolin e Batman. Heath Ledger fitoi çmimin Oskar si aktori më i mirë dytësor, për shkak të performancës së tij të jashtëzakonshme, por çmimi iu dha pas vdekjes, pasi humbi jetën nga një mbidozë droge, pak para se filmi të dilte në kinema. Shumë njerëz,mendojnë se izolimi 6 javor, ishte përgjegjës për shkatërrimin mendor të aktorit.
Adrien Brody sakrifikoi gjithçka për rolin e tij kryesor tek filmi “Pianisti”
Adrien Brody fitoi çmimin Academy Awards, për rolin e tij tek filmi “The Pianist”, ku luajti rolin e Vladislav Spilmanit, një pianist dhe kompozitor polak. Spilman qe një i mbijetuar hebre i Holokaustit i cili humbi gjithçka që kishte, kështu që aktori duhej të bënte të njëjtën gjë për të depërtuar në brendinë e personazhit.
Brody hoqi dorë nga jetesa e tij luksoze, duke shitur apartamentin, makinën e tij dhe të gjitha pasuritë. Aktori shkoi aq larg, sa edhe të ndahej me të dashurën e tij, në mënyrë që të mund të performonte më mirë në skenat ku Spilman qante me dënesë. Një grup aktorësh u shtruan në një repart psikiatrik për realizimin e filmit“Dikush fluturoi mbi folenë e qyqes”
“One Flew Over The Cuckoo’s Nest”, kryevepra e regjisorit çek Milos Forman është një film epik i realizuar në SHBA në vitin 1975. Gjithçka ndodh në një repart psikiatrik, kështu që grupi i aktorëve të udhëhequr nga Jack Nicholson u vendosën për disa kohën e një spital psikiatrik të vërtetë, për të studiuar sjelljen e pacientëve.
Përvoja e fituar gjatë qëndrimit të tyre atje, i ndihmoi aktorët të luanin rolet e psikopatëve në një mënyrë aq perfekte, sa që shumë prej tyre vazhdonin të qëndronin brenda rolit edhe kur kamera nuk xhironte. S’ka nevojë të thuhet që filmi rezultoi një sukses i madh, dhe fitoi disa çmime Oskar.
