Komisioni i Venecias ka dale me deklarate per mediat ne lidhje me raportin zyrtar qe ka perpiluar për kreun e shtetit Ilir Meta, pas mbledhjes se fakteve dhe takimeve qe zhvilloi ne Tirane, therritur nga komisioni hetimor parlamentar ngritur per shkarkimin e Presidentit.
“Edhe nëse Presidenti mund të ketë tejkaluar kompetencat me shtyrjen e zgjedhjeve lokale, shkarkimi mund të mos justifikohet. Edhe nëse Presidenti Ilir Meta tejkaloi kufijtë, nuk mund të fajësohet. Shkeljet e kreut të shtetit shqiptar s’mund të justifikojnë hetimin. Zgjedhjet i shtyn Parlamenti. Edhe nëse Parlamenti e shpall fajtor, vendos Gjykata Kushtetuese”, thuhet në komunikate.
“Ekspertët nënvizojnë thirrjen e Presidentit për dialog dhe besimin se shtyrja e zgjedhje mund të kontribuonte në një kompromis midis partive. Ata theksojnë mungesën e sfidimit të dekreteve të Presidentit përpara një gjykate.
Për më tepër, zgjedhjet lokale nuk kanë të njëjtin status kushtetues si zgjedhjet parlamentare. Ekspertët thonë se edhe nëse Kuvendi do të përcaktonte seriozitetin e shkeljeve, kjo nuk duhet domosdoshmërisht të çojë në shkarkim, duke marrë parasysh fuqinë e seancave plenare të Kuvendit për të marrë parasysh qëllimet e tjera kushtetuese, siç janë mbajtja e kontrolleve dhe ekuilibrave dhe stabiliteti në vend. Nëse Kuvendi do të vendoste në favor të shkarkimit, në fund do t’i takonte Gjykatës Kushtetuese, e cila aktualisht nuk funksionon, të konfirmojë nëse vendimet e Presidentit janë shkelje “serioze” që do të justifikonin shkarkimin e tij”, thuhet në perfundim te komunikatës./ Panorama
