Fushata zgjedhore ka mbaruar dhe pushimet verore janë drejt fundit. Koha kur administrata shtetërore tregon se u rikthye në punë. Një person është arrestuar për ndërtim pa leje në Cakran, ndërsa është pezulluar specialisti i policisë për zonën për neglizhencë.
I arrestuar është Altin R. 46 vjeç, banues në fshatin Cakran, pasi ka ndërtuar pa leje.
Pas hetimeve të kryera, u pezullua nga detyra specialisti i Policisë së Zonës A.Ç. për neglizhencë në kryerjen e detyrës.
Në bashkëpunim me INUV po punohet për prishjen e objektit të ndërtuar në mënyrë të paligjshme.
Materialet proceduriale do t’i kalojnë Prokurorisë pranë Gjykatës së Shkallës së Parë Fier për veprën penale “Ndërtim i paligjshëm” parashikuar nga Neni 199/a/2 i Kodit Penal.
