Italia akoma zien për ndeshjen e famshme mes Interit dhe Juventusit, ku lojtari më i dobët në fushë ishte arbitri Daniele Orsato. Por si është jeta e tij pas atyre “gabimeve” që favorizuan Juventusin në një ndeshje aq të rëndësishme për Serie A?
Orsato është vendosur bashkë me familjen në qytezën Veneto, Rekoaro, mes maleve ku zhurmat nuk ekzistojnë dhe pothuajse të gjithë banorët njihen me njëri-tjetrin, por arbitri shprehet i frikësuar: “Fëmijët e mi janë të shqetësuar.”
Kështu tregon “Corriere di Verona”: “Familja Orsato e Rekoaros është e shumtë, të mbrojtur mirë gjeografikisht dhe praktikisht të paarritshëm, por militantët e urrejtjes i kanë gjetur… Shtëpia e tij ndodhet në fundin e rrugës, ku destinacioni i vetëm është të shkosh të takosh atë. Në Parlati është kisha dhe një shesh i vogël ku dy fëmijë biondë janë duke luajtur deri sa dy të panjohur afrohen. Fëmijët i fut në shtëpi një zonjë, që e shqetësuar informohet: “Jam gruaja e Daniele Orsatos. Jo, nuk jap deklarata, asgjë. Nuk them asgjë”. Pyetja që i bëhet është: a keni frikë? “Por, nuk e sheh se si jemi vendosur këtu?”, e thotë me një gjest me dorë. Në atë fshat, mes maleve dhe fushave të blerta, nuk kalon asnjë makinë. “Ja, ne jemi vendosur kështu. Nëse doni të flisni me tim shoq, prisni jashtë”.
“Kemi kaluar momente jo të mira dhe fëmijët janë të shqetësuar, pasi nuk duan të dalin jashtë dhe të luajnë me shokët”, thotë Orsato, që nuk jep komente të tjera, për shkak të detyrës. Në telefon, koordinatori Ricoli i mohon të shtojë fjalë përpos atyre që ka thënë, por se për çfarë ka frikë është e qartë: “Mjafton të shohësh përreth”. Pikërisht, në këtë fshat nuk ka asnjë, vetëm miq dhe familja Orsato, por megjithatë urrejtja e post ndeshjes Inter-Juventus është e madhe dhe ka patrulla policie që shpesh kalojnë nga shtëpia e Orsatos.
Por policia e zonës konfirmon se gjyqtari Daniele Orsato dhe familja e tij janë nën mbikëqyrjen e policisë edhe pse kjo nuk është e afërt, por nga një distancë diskrete, për të evituar probleme. Vendimet e kryesorit të takimit, Daniele Orsato janë kontestuar gjerësisht dhe situata ka degraduar deri në kërcënime me jetë për të dhe familjen e tij. Duke parë situatën e ndezur dhe të dalë jashtë kontrollit, policia ka vendosur të marrë në mbrojtje Orsaton. Një patrullë kalon herë pas here në zonën e shtëpisë së gjyqtarit edhe pse bëhet fjalë për një qytezë të qetë, ku njerëzit njihen mes tyre. Gjithsesi, situata vazhdon të jetë e nderë pas polemikave të ndeshjes Inter-Juventus.
