Franca është finalistja e parë e Botërorit të Rusisë pasi ka mposhtur me rezultatin 1-0 Belgjikën që vinte pas disa ndeshjesh fantastike. Samuel Umtiti bën heroi dhe pret biletën për në Moskë ku do të zhvillohet finalja e madhe me fituesin e çiftit Kroaci-Angli.
Belgët e nisin mjaft mirë pjesën e parë, ku dominojnë dhe rrezikojnë portë, por aty gjejnë një super Hugo Lloris i cili nuk lë asnjë top të kalojë në vijën fatale. Francezët në fundin e pjesë së parë fitojnë kontrollin e lojës dhe i vënë në rrezik belgët, por edhe Thibaut Courtois është në lartësinë e duhur.
Vetëm gjashtë minuta pasi fillon pjesa e dytë vjen edhe goli, është Umtiti që i merr kohën Fellainit dhe godet me kokë topin që përfundon në rrjetë. Kjo ishte hera e parë për Francën, që nga viti 1998, që shënojnë tre mbrojtës në një Botëror. Atëherë gjenin golin Thuram, Lizarazu dhe Blanc, këtë herë Pavard, Varane dhe Umtiti.
Belgjika provoi të sulmonte, por pa prishur festën e ekipit të Didie Deschamps, që bëhet gati të shkruaj historinë. Kjo është hera e tretë që Franca do të jetë në finalen e Kupës së Botës, pas suksesit ndaj Brazilit në “Francë ‘98” dhe pas humbjes ndaj Italisë në “Gjermani 2006”.
