Pas vendimit të Shteteve të Bashkuara të Amerikës për njohjen e Jerusalemit si kryeqytet të Izraelit, këto të fundit po përpiqen të falënderojnë presidentin Trump, për guximin e treguar në këtë vendim historik.
Ministri i transportit të shtetit të Izraelit, Jisrael Kac, ka përgatitur planin për të zgjeruar linjën e shpejtë të trenit që lidhë Jerusalemin me Murin e Lotëve dhe kjo linjë do të mbajë emrin e Donald Trump.
Ministri Kac ka theksuar se treni me shpejtësi do t’u shërbejë vizitorëve të lëvizin më shpejt për në Murin e Lotëve, ndërsa stacioni do të emërohet me emrin e Presidentit të Shteteve të Bashkuara të Amerikës Donald Trump, për shkak të guximit historik për njohjen e Jerusalemit si kryeqytet i Izraelit.
