Studentët ekselentë do të kenë mundësi të përfitojnë një vend pune në administratën shtetërore jashtë pozicionit të shërbimit për vitin e ardhshëm. Sipas vendimit të marrë nga Këshilli i Ministrave, vende pune përfitojnë të gjithë studentët ekselentë që kanë mbaruar studimet nga viti 2017, me kontratë punësimit 1 vit.
Kush përfiton nga ky vendim?
E drejta e përzgjedhjes është sipas precedencës, si më poshtë vijon:
– Studentët e diplomuar në institucionet e arsimit të lartë në një nga vendet anëtare të OECD-së ose BE-së;
– Studentët e diplomuar në institucionet e akredituara të arsimit të lartë publik në Shqipëri;
– Studentët e diplomuar në institucionet/programet e akredituara të arsimit të lartë jopublik në Shqipëri dhe studentët e diplomuar në vende të tjera jashtë Shqipërisë, të ndryshme nga vendet e OECD-së ose BE-së.
-Diplomat e përfituara jashtë vendit duhet të jenë të njohura nga Ministria e Arsimit, Sportit dhe Rinisë, sipas legjislacionit në fuqi.
– Në rastet e studentëve me mesatare të njëjtë, e drejta e përzgjedhjes përcaktohet me short në prezencë të tyre./Burimi: SCAN
