Pas përfundimit të një mandati 4-vjeçar, ambasadorja në largim e Holandës është shprehur se është privilegj të punosh në Shqipëri. Ambasadorja Dewi van de Weerd ka lënë vendin tonë.
Me anë të një postimi në ‘Twitter’, Weerd shprehet se tani do të fillojë një punë të re në Itali, e në të njëjtën kohë nuk kursen fjalët më të mira për vendin tonë.
“Po largohem drejt Italisë, ku do të fillojë një punë të re. Të thuash mirupafshim nuk është e lehtë, por ka qenë një privilegj i madh të shërbej si ambasadore e Mbretërisë së Holandës në Shqipëri.
Unë dhe familja ime, gjithmonë do të mbajmë mend kujtime të fortë të punës dhe jetesës në këtë vend të mrekullueshëm”, shkruan ajo, ku bashkëngjitur me komentin, ka postuar edhe një foto nga liqeni artificial dhe një tjetër nga sheshi ‘Nënë Tereza’.
Holanda ka qenë dhe vijon të mbetet një ndër vendet më skeptike sa i takon progresit të Shqipërisë, në luftën kundër korrupsionit dhe krimit të organizuar.
