Gjykata e Lezhës ka lënë në burg vëllain e moderatores Alketa Vejsiu, 29-vjeçarin Endrit Vejsiu, i cili u arrestua pasi u kap me mina me telekomandë, dhe lëndë narkotike në makinë.
Duke iu referuar burimeve brenda gjykatës, 29-vjeçari nuk ka thënë asnjë fjalë, duke mos dhënë shpjegime për ngjarjen.
Gjatë seancës gjyqësore për vlerësimin e masës së sigurisë, jashtë ambienteve të gjykatës është parë babai i të riut, i cili nuk ka mundur dot që të mbajë lotët.
Në momentin kur ky i fundit ka dalë nga gjykata me pranga në duar, babai ka shpërthyer në lot, ndërsa fjalët e të birit ishin; “Mos u mërzit babi”.
Vejsiu është shoqëruar nga policia drejt burgut të Shënkollit, ku do të qëndrojë në dhomat e paraburgimit të këtij institucioni, deri në një vendim të dytë të gjykatës, apo deri në përfundim të hetimeve.
Endrit Vejsiu u prangos në një operacion të koduar “Telekomanda”, pasi në gomën rezervë të automjetit që drejtonte, iu zbuluan 4 mina me telekomandë dhe 3 kg drogë e dyshuar si kanabis sativa.
Ndalimi i 29-vjeçarit u bë në aksin rrugor Milot-Lezhë, në kryqëzimin e Shënkollit, ku në mjetin e tij tip “Opel”, në një gomë rezervë në bagazh, u gjetën të fshehura 4 mina me telekomandë.
