Tre persona janë arrestuar nga policia pas një kontrolli në një lokal striptistësh në Velipojë.
Policia ka sekuestruar 33.4 gramë lëndë narkotike Cannabis Sattiva, si dhe ka arrestuar në flagrancë 3 persona, mes tyre dy femra. Në pranga kanë përfunduar:
Arben Ll, 31 vjeç, Njësia Administrative Zejmen, Lezhë.
M.S, 19 vjeçe, banuese në Tiranë,
S.G. 16 vjeçe, banuese në Lezhë.
Arrestimi i tyre u bë pasi gjatë kontrollit të ushtruar në një lokal striptizmi, në Velipojë, sipër banakut të këtij lokali është gjetur një dozë lëndë narkotike e dyshuar Cannabis Sattiva.
Gjithashtu gjatë kontrollit të ushtruar tek banesa e shtetaseve S. G. dhe M. S, është gjetur dhe sekuestruar në cilësinë e provës materiale një qese plastmasi ku rezultoi me peshë 33.4 gram lëndë e dyshuar narkotike Cannabis Sativa.
Materialet do t’i kalojnë për hetime të mëtejshme Prokurorisë Rrethit Gjyqësor Shkodër për veprën penale “Prodhim dhe shitje narkotikëve e kryer në bashkëpunim”.
Gjithashtu nga hetimet e kryera nga Sektori Kundër Krimit Financiar, filloi procedimi penal në gjendje të lirë për veprën penale “Fshehje e të ardhurave” dhe “Punësim i paligjshëm” parashikuar nga nenet 180 e 170/a i Kodit Penal, në ngarkim të shtetasve
B.M, 46 vjeç, banues në Shkodër
K.P. 36 vjeç, banues në Zejmen, Lezhë.
Procedimi penal filloi pasi këta shtetas ushtronin aktivitet të paregjistruar në organet tatimore.
Materialet i kaluan për veprime të mëtejshme Prokurorisë së Rrethit Gjyqësor Shkodër.
