Kreu i Bashkisë së Tiranës, Erion Veliaj ka uruar shqiptarët me rastin e Krishtlindjes. Gjatë fjalës së tij për mediat nga Kisha Ortodokse në kryeqytet, kryebashkiaku uroi në veçanti ata që janë në punë. Ndërsa pati edhe një mesazh për klasën politikën, teksa tha se uron që festat të na bëjnë më të mirë e të mos çirremi me njëri-tjetrin.
“Urim për ata që janë në punë gjata festës. Kemi pasur një ndjenjë solidariteti këtë vit. Ne kaluam sot gjithë ditën duke shërbyer në qendra sociale të cilat janë shtuar. Vitin tjetër në planifikojmë të hapim më shumë qendra sociale. Tirana është vend ku vijnë të gjithë. Uroj që këto festa të na bëjnë më të mirë dhe të mos çirremi me njëri-tjetrin. Besoj se viti që po vjen do jetë vit më i mirë se ai që po lëmë”, tha Veliaj.
