Kreu i Bashkisë së Tiranës, Erion Veliaj ka zhvilluar një takim me banorë të njësisë nr.1, tek fusha “Ali Demi”.
Veliaj ironizoi paraardhësin e tij, Lulzim Basha, teksa tha se “sahati rezultonte i prishur, pasi i kishte ngelur ora 12”.
“E mbaj mend ditën time të parë të punës, pasi puna ime është më e mrekullueshme. Pse nuk u bënë këto punë njësoj si vite më parë, pse nuk u pastrua kjo zonë? Por kjo e bën diferencën, e bën gjumi nga puna. Kur shkoj në zyrë ditën e parë, dal në dritare dhe shoh një mur ngjitur veç me zhargavina dhe shoh që sahati ishte i ngelur. 4 vjet sahati 12”.
Gjithashtu, kryebashkiaku u ndal te kandidaturat e PD-së për Tiranën, ku “thumboi” disa prej tyre, duke iu referuar Halim Kosovës, Grida Dumës, Sali Berishës dhe Fatmir Mediut.
“Kandidati i PD për bashkinë e Tiranës ishte i mirë, por humbi me 5000 vota. Sollën dhe Gridën që s’e donte Durrësi që të konkurrojë në Tiranë. Dhe Mediun që të bëjë Tiranën si Gërdecin. Dhe në Tiranë vjen Saliu dhe Mediu, oferta e Republikës së Re. Boll me këto shaka”, pohoi Veliaj.
