Kryetari i Bashkisë së Tiranës, Erion Veliaj ka paditur në gjykatë kreun e PD-së Lulzim Basha dhe deputeten demokrate, Jorida Tabaku. Këta të fundit janë paditur për shpifje dhe shkelje për lejet e ndërtimit që i kanë dhënë vetes gjatë kohës kur ushtronin funksionin e kryetarit dhe nënkryetares në Bashkinë e Tiranës.
Konkretisht, Veliaj ka paditur për shpifje Bashën, ashtu edhe deputeten e PD-së, Jorida Tabaku, për akuzat e bëra lidhur me devijimin e rrjedhës së lumit të Lanës dhe projektit të Unazës së Re. Veliaj i cilëson akuzat tërësisht të pavërteta dhe pa asnjë provë.
Në bazë të padisë së bërë, kryebashkiaku Veliaj kërkon detyrimin që të paditurit të shpërblejnë dëmin jo pasuror shkaktuar ndaj tij me deklaratat publike të ditëve të fundit në shumën 100.000 mijë lekë, si dhe shpenzimet gjyqësore dhe ato avokatore.
Po ashtu, me lekët e fituara nga gjyqi, Veliaj ka premtuar se do të shkojnë direkt në “Fondin e Edukimit”, i krijuar për të mbështetur çerdhet, kopshtet, bibliotekat e shkollave, nxënësit e mirë të çdo komuniteti, me libra, kompjutera apo materiale mësimore.
