Të rinjtë çdo ditë e më shumë po e shikojnë si një sfidë më vete teksa kërcejnë sipas versionit të tyre këngën e Drake, jashtë makinës. Instagrami ka një prurje të llahtarshme me videot të cilat po bëhen virale.
Konkurenca është shtuar, por pavarësisht argëtimit, kjo sfidë mbart në vetvete edhe një rrezik të madh, atë të jetës. Teksa të rinjtë kërcejnë kur makina është në lëvizje, ata edhe mund të pësojnë një aksident të mundshëm.
Duke parë këtë tendencë, e cila aktualisht po bën namin, Veliaj e ka parë të udhës që të shpërndajë një njoftim, që sa argëtues të duket në impaktin e parë, aq vlera mbart për jetën tonë të shtrenjtë.
Kryetari i Bashkisë, Erjon Veliaj, ka marrë shkas nga videot virale dhe i ka paralajmëruar të gjithë me anë të një postimi në Facebook.
“Të bësh #KikiChallenge me kërcim jashtë makinës që ecën, duket shumë gallatë, gjersa ndodh hataja! Na duhesh të kërcesh më gjatë, ndaj vendose rripin e rri në makinë shoku!”, shkruan ai.
