Matias Vecino edhe pse u afrua në merkaton e verës, është kthyer menjëherë në një lojtarë mjaft të rëndësishëm për Interin. Besimi që i ka dhënë tekniku Spalleti e ka bërë që të jetë startues në çdo ndeshje. Në përballjen e fundit që Interi e fitoi 5-0 në shtëpi ndaj Chievos, ai qëndroi në pankinë për 90’ minuta. Tekniku zikaltër e uli në stol për arsye dëmtimi dhe ishte në plan të aktivizoheshe vetëm në rast nevoje. Por dyshja Joao Mario-Brozovic, vërtetuan fjalët e Spalletit se të gjithë lojtarët janë titullarë, nuk ka asnjë ndryshim mes stolit dhe atyre që luajnë nga fillimi. Vecino është shprehur se ai kishte vetëm një problem të vogël dhe që tashmë është lënë pas dhe do të jetë i gatshëm për sfidën e fundjavës me Juventusin..jpg)
“Me Chievon isha në bankën rezervë, por më tepër për ndonjë rast emergjence, pasi nuk isha në gjendjen optimale. Tani po stërvitem me ngarkesë të plotë me grupin dhe them se jam 100 % në dispozicion të trajnerit për sfidën ndaj Juventusit. Gjithsesi, te ne janë të gjithë titullarë dhe kjo u pa edhe në sfidën me Chievon, ku nuk u ndie mungesa e tre futbollistëve të formacionit”, tha Vecino.
Interi do të përballet me ekipin më të mirë në Itali, Juventusin. Zikaltërit vijnë në këtë sfidë në mënyrën më të mirë të mundshme. Pas një fitoreje të thellë dhe në vendin e parë në Serie A. Por Vecino është shprehur se objektiv i tyre për këtë sezon është zona Champions de se nuk janë duke menduar për kampionatin.
“Jemi të parët dhe jemi të lumtur sepse kjo do të thotë që kemi punuar mirë. Objektivi ynë i vetëm në këtë sezon, është pjesëmarrja në Ligën e Kampionëve, ndaj nuk duam të mendojmë për titullin. Ne punojmë çdo ditë për të fituar të gjitha ndeshjet, pavarësisht se jo gjithmonë do t’ia dalim, por rëndësi ka që në fund të renditemi në katër vendet e para të renditjes”, ka thënë Vecino.
