Një 35-vjeçar ka humbur jetën në Spitalin e Traumës. Sipas informacioneve të para viktima është Arben Gjeci nga Zallbastari.
Mësohet se Arben Gjeci është gjetur pa ndjenja në rrugë dhe është transportuar për në spital ku më pas ka ndërruar jetë.
Sipas burimeve ngjarja ka ndodhur mbrëmjen e djeshme (24 janar), ndërsa dyshohet se është goditur me mjete të forta në kokë.
Burime nga policia thonë se 35-vjeçari Arben Gjeci është hedhur nga lartësia.
Po punohet për zbardhjen e rrethanave të ngjarjes.
