Parullat antishqiptare janë vendosur gjatë ditës së sotme në qytetin e alfabetit në Manastir të Maqedonisë. Foto të ndryshme po qarkullojnë në rrjete sociale dhe pankarta me mbishkrime raciste duke kërkuar vdekje për shqiptarët.
Thirrje të tilla janë parë e dëgjuar shumë herë nga maqedonasit, të cilët sulmojnë shqiptarët në momente kur bëhet një hap përpara në përmirësimin e raporteve mes tyre. Në këtë parullë dallohet qartë mbishkrimi ku thuhet se: “Ligji është ligj”dhe “Vdekje për Shqiptarët”. Parullat raciste dhe me përmbajtje provokative janë shkruar në të dyja gjuhët, në atë shqipe dhe maqedonase.
Parulla me mbishkrime të tilla vijën në një kohë kur shqiptarët dhe maqedonasit kanë shansin historik, që të anëtarësohen në strukturat euroatlantike, por mekanizmat e brendshëm po nxisin raste destabilitetit, çka do të jetë në dëm të qytetarëve dhe perspektivës së tyre.
