Pavarësisht se Prokuroria e do Tahirin në burg, ai vijon jetën e tij normalisht, duke shijuar pushimet e tij dhe duke iu larguar politikës. Prokuroria i hedh sytë nga Gjykata e Lartë.
Në fillim të korrikut, akuza ka dorëzuar rekursin ndaj ish-ministrit të Brendshëm, duke këmbëngulur që ndaj tij të urdhërohet “arresti me burg”. Tahiri i cili është edhe pa mandat deputeti, ka ende interes të shtuar se çfarë bëhet me jetën e tij.
Ai ka marrë vemendjen e mediave, pasi është fotografuar në homazhet që po mbahen në Kuvend në nder të ish-ministrit të Mbrojtjes, Luan Hajdaraga. Tahiri shfaqet me një look krejt ndryshe, sport dhe me mjekër, ndërsa qëndron pranë ish-kolegut të PS, Pirro Lutaj.
Po këtë muaj, ai ndau me miqtë e tij një video përmes profilit në Facebook se po pushonte, larg zhurmës mediatike dhe akuzave të ngritura më herët ndaj tij.
