Kreu i grupit Parlamentar të LSI-së, Petrit Vasili me anë të një statusi në “Facebook” ka bërë thirrje për hartimin e një Pakti Kombëtar për të shpëtuar ekonomia shqiptare.
Vasili shprehet se krijimi i një Pakti Kombëtar është i nevojshëm në kushtet e konfuzionit ku ndodhet ekonomia shqiptare, pasi fjalët boshe dhe demagogjitë artificiale me shifrat për ekonominë, do ta bëjnë varfërinë dhe papunësinë sëmundje pa shërim.
Më tej, ai thotë se investimet e huaja janë në nivelet më të ulëta dhe sa vjen e thellohet pabarazia.
STATUSI I PLOTE
Ekonomia shqiptare në konfuzion.
Investimet e huaja në nivelin më të ulët se asnjë herë.
Thithja e projekteve të mëdha më e ulta.
Nuk ka prioritete madhore në ekonomi, por thjesht improvizime të ditës, që thjesht riciklojnë arkaizmin ekonomik, profanizimin dhe të kënaqurit me fiktivitet të qeverisë si dhe thellojnë frikshëm pabarazinë.
Është koha për një Pakt Kombëtar për Ekonominë.
Fjalët boshe dhe demagogjitë artificiale me shifrat për ekonominë do ta bëjnë varfërinë dhe papunësinë sëmundje pa shërim, dekurajimin tragjik për të rinjtë të pashmangshëm dhe vrasjen e shpresës mënyrë jetese.
