Çështja e vizave me Holandën po merr një rrugë të çuditshme, në një anë shtypi holandez që deklaron se ka një kërkesë për kthimin e vizave aq sa një grup deputetësh kanë marrë nismën për të realizuar këtë e në një anë ambasadorja shqiptare në Holandë që e mohon.
Mbi këtë situatë ka reaguar edhe kreu i grupit parlamentar i LSI-së, Petrit Vasili. Në një postim në facebook, Vasili citon shkrimin e gazetës holandeze “De Telegraaf”, në të cilën shkruhej se ambasadorja shqiptare ka dezinformuar lidhur me kërkesën për vendosjen e vizave për shqiptarët.
Kreu i grupit parlamentar i LSI-së, e cilëson këtë diplomaci që i përngjan një standardi korenao-verior, as ata nuk e kanë pasur këtë dezinformon, shprehet Vasili.
Statusi i Vasilit:
Diplomacia koreano-veriore e kryeministrit.
Gazeta holandeze ‘De Telegraaf” kthjellon gjithçka dhe situata lidhur me vizat është serioze.
Ndërsa ambasadorja shqiptare në Holandë demostroi “kurajo” për të dezinformuar dhe një standard koreano-verior informimi, që të tillë nuk e kanë patur as ambasadorët në kohën e Partisë së Punës.
Kjo diplomaci koreano-veriore i duhet shkollëpaktit, kryeministrit tonë. Në fund të fundit kaq kupton…Për të shqiptarët janë të fundit dhe ai punët (…) e tij i ka fjollë.
