Holandezi e ktheu United tek trofetë në 2016-ën, kur fitoi FA Cup. Por kjo nuk mjaftoi që ai të shkarkohej nga posti i trajnerit edhe frenat e Old Trafford ti jepeshin Jose Mourinhos. Van Gaal këmbëngul se tani nuk ka ndërmend të kthehet në menaxhimin e ndonjë klubi, por 66-vjeçari do të “bëjë një përjashtim” në qoftë se i jepet mundësia për hakmarrje të drejtpërdrejtë ndaj Unitedit në një ekip të fortë në Premier League.
“Daily Mirror” citon fjalët e tij në Roterdam të dielën mbrëma: “Unë ndoshta nuk do të menaxhoj më një klub. Do të bëja një përjashtim nëse do të vijë një klub i madh anglez për mua, atëherë do ta bëja atë. Sepse atëherë unë mund të fitoj mundësinë për të mposhtur Manchester United “. Van Gaal ishte i lidhur ngushtë me një lëvizje në Everton, pasi trajneri Ronald Koeman u shkarkua nga detyrat e tij. Por pankina përfundimisht shkoi në Sam Allardyce, dhe do të thotë se ish drejtuesi i Barcelonës dhe Bayern Munich mbetet pa ekip. Ai ka thënë në të kaluarën se nuk ka nxitim për t’u kthyer në menaxhim, por ai mbetet i zhgënjyer për mënyrën se si përfundoi eksperienca e tij e fundit.
Van Gaal ka sqaruar se nuk ka asgjë me portugezin Jose Mourinho, por e gjitha është me klubin dhe bordin Drejtues që veproi në atë mënyrë. Ai shtoi: “Woodward duhet të kishte ardhur tek unë dhe ne mund të binim dakord. Unë nuk kam asgjë kundër Joze.” Ndërkohë që ngurron të akuzojë Mourinhon që i mori detyrën, Van Gaal ka kritikuar futbollin e United që prej largimit të tij. Ai i tha Fox Sports Holandë pas humbjes 2-1 të derbit të Manchesterit: “Nëse më pyetni se si veprova në United, do të thoja se ishte viti im më i mirë, duke pasur parasysh rrethanat në të cilat po punoja. Ne luajtëm një futboll mjaft të mirë. Por nuk është futboll që vlerësohet në Angli. E megjithatë, tani, duke parë Unitedin, del në përfundimin se Mourinho nuk kritikohet, ndërsa futbolli i tij është shumë i mërzitshëm. Ajo që prodhon United tani është futboll mbrojtës. Kam luajtur gjithmonë duke sulmuar. Prova është se ai gjithmonë ka parkuar autobusin. Ata tani nuk e bëjnë këtë sepse Mourinho luan një futboll mbrojtës.”
