Pas shpalljes së pavarësisë së rajonit të Katalonjës, do të zhvillohet një ndeshje mjaft e rëndësishme mes Atletiko Bilbaos dhe Barcelonës. Në këtë ndeshje pritet të ketë kontestime dhe brohoritje të shumta kundër katalansve, por për trajnerin e Barcelonës kjo çështje nuk do të ndikojë në futboll. Duhet ta lemë politikën të bëjë punën e vet dhe futbolli të jetë i diferencuar nga këto debate. Ne do të udhëtojmë në Bilbao për të luajtur futboll dhe do të kërkojmë fitoren. Ai ka refuzuar të japë një përgjigje sa i përket largimit të Barcelonës nga LaLiga, por është shprehur vetëm se ato janë çështje politike dhe ato ndryshojnë çdo gjysmë ore.
“ Barcelona jashtë La Ligas? Deri tani kjo gjë nuk ka ndodhur. Nuk më pëlqen të flas për supozime, është më mirë të lëmë mënjanë çështjet politike dhe të flasim për anën sportive, sepse në politikë gjërat ndryshojnë çdo gjysmë ore. Athletic Bilbao? Është një skuadër shumë e fortë kur luan në San Mames. Jo vetëm tani pasi kështu ka qenë gjithmonë. Luajnë me shumë intensitet në shtëpinë e tyre dhe për ne ky takim do të jetë i vështirë por do të luajmë vetëm për fitore. Për mua do të jetë një sfidë e veçantë pasi kalova vite të bukura te Bilbao”, deklaroi Ernesto Valverde.
