Një valixhe e dyshimtë në rrugën ”Sulejman Delvina”, ka alarmuar banorët e kryeqytetit. Valixhja e kuqe e lënë pranë një dyqani ka bërë që qytetarët të telefonojnë policinë dhe të japin alarmin për bombë.
Valixhja është vendosur në shkallët e një dyqani, që ka mbyllur qepenat, teksa nuk bëhet me dije se cili është personi që e ka lënë aty.
Pas alarmit të banorëve të zonës, olicia dhe forcat xheniere ka shkuar në vendngjarje dhe ka vendosur perimetrin e sigurisë.
Njoftimi i policisë
Tiranë/Informacion paraprak
Me datë 26.07.2021, në rrugën “Sulejman Delvina”, sherbimet e Policisë kanë konstatuar në trotuar një valixhe të braktisur. Menjeherë pas konstatimit është vendosur perimetri i sigurisë dhe është bërë njoftimi i forcas xheniere për veprime të metejshme. Grupi hetimor punon për sqarimin e rrethanave të ngjarjes.
