Valentino Rossi është mirë dhe të Enjten do të jetë me shumë gjasa në Mugello aty ku do të zhvillojë vizitat mjekësore.
Situata e Doktorit pas atij aksidenti në garat motorcros, është përmirësuar ndjeshëm, dhe nuk parashikohet të ketë probleme për Rossin, i cili do të zbresë rregullisht në pistë në Çmimin e Madh të Italisë.
Gjithçka do të kuptohet më mirë pas provave të para të lira që do të zhvillohen të Premten, por mundësitë që 9-herë kampioni i Botës të garojë në Mugello janë të mëdha.
Pas 5 garave të para, klasifikimi i përgjithshëm i kampionatit Botëror të Moto Gp, kryesohet nga Maverick Vinales me 85 pikë i ndjekur nga Dani Pedrosa me 68 dhe Valentino Rossi me 62 pikë.
