Yulia Skripal, vajza e helmuar e ish spiunit rus Sergei, ka hedhur poshtë ndihmën e ambasadës ruse “për momentin”.
33-vjeçarja, e cila doli të hënën nga spitali, tha se babai i saj është “ende në gjendje të rëndë shëndetësore”.
Në një deklaratë të lëshuar nëpërmjet policisë, ajo ka thënë se nuk ndihej e fortë për të dhënë një intervistë të plotë në media, duke u shprehur se “askush nuk flet për mua apo për babanë tim”, shkruan BBC.
Zonja Skripal dhe babai i saj 66-vjeçar, të cilët u gjetën të rrëzuar në një bankë në Salisbury më 4 mars, mendohet se u helmuan me agjentit nervor toksik ‘Novichok’.
Në deklaratën e saj, zonja Skripal tha se ajo e gjeti veten “në një jetë krejtësisht të ndryshme nga ajo e zakonshmja që la më shumë se një muaj më parë”.
Znj. Skripal, e cila është dërguar në një vend të sigurt, shtoi: “Unë kam në dispozicion punonjës të trajnuar posaçërisht, të cilët po ndihmojnë dhe kujdesen për mua për të shpjeguar proceset hetimore që janë duke u ndërmarrë. Unë kam akses ndaj miqve dhe familjes, dhe unë jam bërë i vetëdijshëm për kontaktet e mia specifike në ambasadën ruse, të cilët me mirësi më kanë ofruar ndihmën e tyre në çfarëdo mënyre që munden.
Për momentin nuk dëshiroj të përfitoj nga shërbimet e tyre, por, nëse ndryshoj mendjen, di se si t’i kontaktoj.”
Ambasada ruse tha se deklarata “vetëm forcon dyshimet se kemi të bëjmë me një izolim të dhunshëm të qytetarit rus” dhe u bëri thirrje autoriteteve të Mbretërisë së Bashkuar të “japin me urgjencë prova të prekshme” se zonja Skripal nuk u privua nga liria e saj. TIRANA TODAY
