Sot është një ditë historike, pasi Kuvendi i Kosovës miratoi krijimin e ushtrisë. Krijimi i ushtrisë u miratua me 106 vota pro, dhe asnjë kundër. Njohës të sigurisë në vend thanë se kjo Forcë do të jetë në mbrojtje të sovranitetit dhe integritetit të vendit. Lidhur me këtë vendim, një reagim ka ardhur nga presidenti Ilir Meta, i cili e ka cilësuar si një vendim historik.
“Vendimi historik i krijimit të Forcave të Armatosura të Republikës së Kosovës, dëshmon qartë që Kosova është e aftë të marrë përgjegjësi të reja, në ndërtimin e institucioneve demokratike, dhe për të kontribuar vendosmërisht për paqen, stabilitetin e rajonit dhe fqinjësinë e mirë. Fryma euro-atlantike qëndron në themel të këtij ndryshimi historik”, përfundon Meta.
