Ushtaraku Leonard Hida është rikthyer ditën e sotme në Shqipëri, pasi shërbeu për 6 muaj në misionin paqeruajtës në Herat. Por, pas kthimit në atdhe, Hida ka surprizuar vajzën e tij, e cila po argëtohej me nënën e saj.
Në videon emocionuese, publikuar nga ministrja Olta Xhaçka, dallohet momenti drithërues teksa vogëlushja hasi shikimin e babit të saj, duke rendur më pas menjëherë drejt tij.
“S’ka emocion më të madh kur pas kthimit nga Afganistani të pret kjo bukuroshe. Pas 6 muajsh shërbim në Herat, tetar Leonard Hida nga b2k kthehet në familjen e tij të vogël dhe në familjen e madhe të FA”, shkruan Xhaçka.
