Pas një studimi afatgjatë nga Fondacioni Botëror për Hulumtimin e Kancerit dhe Instituti Amerikan i Kancerit, ku u përfshinë mbi 8000 raste, hulumtuesit shkencorë dolën në përfundimin se duke konsumuar të paktën 90 gramë drithëra në ditë mund të ulet rreziku për kancer të zorrës me 17%.
Kanceri kolorektal është i treti më i diagnostikuar tek meshkujt, dhe shkaktari i dytë i vdekjeve nga kanceri në botë. Kanceri i zorrës është përhapur shumë edhe tek të rinjtë. Personat lindur në vitin 1990 janë dyfish më të rrezikuar nga kanceri i zorrës dhe katërfish nga ai rektal, krahasuar me të lindurit në vitet ’50, ka zbuluar një studim nga Shoqata Amerikane e Kancerit.
Por, si mund të parandalojë zhvillimin e kancerit të zorrës ngrënia e bollgurit dhe orizit. Të gjitha llojet drithërave janë një burim i mirë i fibrave dietike, që ndihmojnë për të ulur rezistencën ndaj insulinës, ose pamundësinë e trupit për të absorbuar sheqerin në gjak, duke shkaktuar akumulim të tij – që njihet si një nga faktorët rrezikues të kancerit të zorrës.
Fibrat ndihmojnë gjithashtu në jashtëqitjen e rregullt, një proces i rëndësishëm ky duke qenë se nxjerrja jashtë shpejtë e mbetjeve ul shanset e zhvillimit të mutacioneve që shkaktojnë zhvillim t kancerit.
Plus që drithërat janë të pasura me lëndë ushqyese anti-kancerogjene, si vitamina E, koper dhe zink. Për të marrë sa më shumë nga këto lëndë ushqyese, mbusheni pjatën me bollgur, oriz kaf, bukë integrale.
Sot në botë bëhet një politikë e madhe për kapjen e hershme të kancerit të zorrës. Ekspertët rekomandojnë sidomos që pas të 50-tave, çdo vit të bëhet një analizë të gjakut komplet dhe feçegjakokult. Çdo 5 vite të bëhet ekzaminimi i pjesës së fundit të zorrës së trashë dhe çdo 10 vite një ekzaminim total/ kolonoskopi, shkruan Shëndeti online.
Kolonskopia mund të shpëtojë jetë, duke qenë se pjesa më e madhe e njerzëve që janë diagnostikuar me kancer të zorrës në fazat e para janë kuruar. Nëse keni pasur një familjar që ka vuajtur nga kanceri i zorrës, atëherë duhet të filloni të bëni kontrolle rreth të 40-ave ose edhe 10 vite para se familjari është diagnostikuar me kancer, rekomandon Akademia Amerikane e Gastroneterologjisë.
Nëse përjetoni simptoma të tilla si gjak në jashtëqitje, dhimbje në pjesën abdominale ose kapsllëk ose diarre të vazhdueshme, duhet të konsultoheni me një mjek. Ai/ajo mund t’ju rekomandojë të bëni një kolonskopi.
