Dortmund vazhdon të këmbëngulë për të marrë në ekip yllin e atletikës, Usain Bolt. Këtë e ka konfirmuar vetë shefi ekzekutiv Hans-Joachim Watzke, i cili shpreson akoma që ta ketë në stërvitje një ditë Boltin. Kjo tratativë është përfolur edhe një vit më parë por këtë herë gjërat mund të jenë më reale, pasi she i Dortmund i ka kërkuar që të negociojnë me anë të “Puma”-s që është sponsor i klubit gjerman, por edhe i yllit të atletikës.
“Kemi dhënë fjalën dhe nuk tërhiqemi. Do të takohem me shefin ekzekutiv të Pumës, Bjorn Gulden, këtë javë, e mes diskutimeve të tjera do të flasim edhe për Bolt”, tha Watzke.
Për këtë bashkëjetesë ka dhënë sinjale pozitive edhe Bolt, i cili do ta mirëpriste një eksperiencë në një fushë tjetër të sportit, por gjithmonë pasi të jetë rikuperuar nga dëmtimi.
“Ata (Dortmundi) thonë se ftesa është gjithmonë e hapur. Tashmë më mbetetmua të shoh se kur do të rikuperohem nga dëmtimi, të rikthehem në formë të mirë dhe të shfrytëzoj këtë mundësi për stërvitje atje. Do të shoh se në çfarë niveli jam, për të vendosur më pas”, tha Bolt.
