Sulmet e Moskës në infrastrukturën kritike të energjisë në Ukrainë përbëjnë “krime lufte”, sipas kreut të Komisionit Evropian.
Presidentja e Komisionit, Ursula von der Leyen i përshkroi sulmet si “akte të terrorit të pastër”, të cilat ajo tha se po “shënonin një kapitull të ri në një luftë tashmë shumë mizore”.
“Sulmet e synuara ndaj infrastrukturës civile, energjia elektrike dhe ngrohja me ardhjen e dimrit, këto janë akte të terrorit të pastër dhe ne duhet ta quajmë atë si të tillë,” tha von der Leyen në një fjalim para ligjvënësve në Parlamentin Evropian të mërkurën.
Kremlini ka nisur një sulm të gjerë ndaj objekteve energjetike të Ukrainës ditët e fundit, duke lënë qytetet e mëdha pa akses në ujë ose energji elektrike.
Të martën, presidenti Volodymyr Zelensky tha se 30% e termocentraleve të vendit janë shkatërruar që nga 10 tetori, duke shkaktuar “mbytje masive” në të gjithë vendin.
Burimi i lajmit: CNN. Përshtatur nga Tirana Today
