Spanja mposhti Maltën të martën në mbrëmje në transfertë me rezultatin 0-2, falë dy golave të Alvaro Moratës. Por në këtë sfidë është vënë re një urrejtje e madhe nga kapitenit të iberikëve, Sergio Ramos. Ata e kanë vërshëllyer yllin e Real Madrid që nga momenti që i është thirrur emri nga spikeri i stadiumit, deri në përfundim të ndeshjes.
Arsyeja? Shumë e thjeshtë, Mohamed Salah! Në Maltë kampionati më i ndjekur është Premier League dhe Liverpool është skuadra e dytë me më shumë tifozë, pas Manchester United, dhe si duket maltezët ende nuk e kanë harruar finalen e vjetshme të Champions League ku Reali mundi Liverpoolin dhe Ramos u bë protagonist me atë tërheqje ndaj Salah, që i shkaktoi atë dëmtim në shpatull dhe e largoi nga fusha në lot.
Një gjë është e sigurt: Maltezët e paskan inatin shumë të egër dhe nuk harrojnë lehtë!
