Ditët e fundit ka pasur një fluks qytetarësh në urgjencën e Preshevës, ku paraqiten çdo ditë të paktën 50 persona.
Pacientët janë kryesisht të moshës së mesme dhe pensionistë, ndërsa në urgjencën e Preshevës vijon të ketë probleme, të cilat hasen nga qytetarët.
Së fundmi, një pacient i cili ka vizituar këtë urgjencë, ka mbetur i habitur nga karrigia ku ulen pacientët.
Siç duket në foton e publikuar nga Presheva.al, gjendja e saj është skandaloze, ndërsa duket se urgjencës së Preshevës i mungojnë fondet për zëvendësimin e saj me një të re.
Personi që ka shkrepur foton, ka sqaruar se momentin kur ka hyrë dhe ka parë këtë është ndjerë sikur se ka shkuar në ndonjë magazinë dhe jo në urgjencë për ndihmë, ndërsa shpreson se me publikimin e rastit do të merren masat dhe do të ndërrohet me një të re.
