Prokuroria Anti-Korrupsion ka firmosur urdhër-arreste të tjera lidhur me hetimet për inceneratorët. Kësaj radhe bëhet fjalë për inceneratorin e Fierit.
Në vendimin e shkurtuar për inceneratorët, bie në sy edhe emrat i ish-ministrit të Mjedisit Lefter Koka dhe Klodian Zotos, të cilët rezultojnë të jenë të përfshirë në aferë edhe në inceneratorin e Fierit përveç atij të Elbasanit.
Lulzim Basha ka përcjell reagimin e tij ku thotë se kjo nuk mjafton, dhe se arrestimet janë si rezultat i punës së jashtëzakonshme dhe profesionale të Partisë Demokratike në Komisionin Hetimor Parlamentar.
Ja se çfarë shkruan Basha
Arrestimet e sotme, janë si rezultat i punës së jashtëzakonshme dhe profesionale të Partisë Demokratike në Komisionin Hetimor Parlamentar, por kjo nuk mjafton. Komisioni faktoi se urdhëruesit dhe përgjegjësit kryesorë të kësaj afere janë ministra dhe kryeministri. Asnjë shqiptar nuk e beson se një aferë kaq e madhe korruptive është bërë pa dijeninë e Edi Ramës. Qeveria e tij është e korruptuar. Me këta, shqiptarët nuk mund të kenë mirëqenie.
