Barcelona ka siguruar kualifikimin në çerekfinale të Champions League, pasi ka shkatërruar në “Camp Nou”, Chelsean me rezultatin 3-0. Ishte “magjia” e Lionel Messit ajo që bëri të triumfojë Barcelona, pasi Chelsea ua bëri mjaft të vështirë dhe ishin të pafat në shumë raste. Londinezët u mundua me të gjitha forcat dhe, me pak fat apo një-dy vendime arbitrale në favor mund të kishte marrë një rezultat pozitiv në këtë ndeshje.
Sfida filloi menjëherë me gol teksa Messi shënon në goditjen e parë në kuadrat nga një kënd i pamundur duke dërguar topin si shigjetë mes këmbëve të Courtois i cili duhet të kishte bërë më tepër.
Chelsea u hodh menjëherë në sulm për tu kundërpërgjigjur, por në çdo aksion u mungonte pasimi i fundit. Në këtë moment përfiton Barça e cila pas një topi të vjedhur mjaft mirë nga Messi, asiston për Dembele dhe ky i fundit e dërgon në rrjetë.
E pabesueshme. Chelsea nuk dorëzohet dhe vazhdon të sulmojë duke krijuar disa mundësi të mira për të shënuar, por skuadra është shumë e nervozuar dhe kjo duket te faullet e shumtë të panevojshëm të shkaktuar kundrejt lojtarëve të Barcelona-s.
Pas pushimit Barça shfrytëzoi një tjetër kundërsulm për të shënuar golin e tretë të takimit dhe të 100-in personal në Champions League.
Ky gol solli dhe kapitullimin e Chelsea dhe dëshira për të arritur kualifikimin u shua. Rasti më i diskutuar i ndeshjes ishte faulli në zonë nga Pique ndaj Alonsos, por ky i fundit e injoroi edhe pse ishte faull i pastër.
