Zbardhet edhe dëshmia e shoferit të kompanisë “Arbri Garden”, 25-vjeçari Armando Pezaku. Ky i fundit është shprehur se veç kontejnerit ku u kapën 613 kg kokainë, ai ka dërguar edhe dy kontejnerë të tjerë në Tiranë.
“Ditën që çova kontejnerin në Maminas, dërgova dhe dy kontejnerë në Tiranë”, mësohet të ketë thënë i riu, ndërsa ka hedhur poshtë të ketë pasur dijeni se çfarë ka pasur brenda, raporton Ora News.
“Nuk kisha dhe asnjëherë nuk kam dijeni se çfarë ka në kontejner. Kur më mori kompania në telefon isha në Tiranë pranë rrugës së Elbasanit dhe me kamion shkova në port. Kam 6 muaj që punoj si shofer. Shoferët e tjerë më të vjetër nuk preferonin të bënin transport në magazinë për shkak të rrugës dhe unë si më i riu nuk kundërshtoja”, ka thënë Pezaku.
