Kryeministri Edi Rama, ministrja Belinda Balluku dhe ambasadorja amerikane në Tiranë Yuri Kim morën pjesë në tryezën e përbashkët me disa kompani lider në tregun e energjisë. Rama ka falenderuar ambasadoren amerikane për mbështetjen dhe kontributin e saj në Shqipëri, duke thënë se është gurë themeli për hapjen e mundësive të mëdha në Shqipëri.
“Të rendim të gjithë së bashku pa humbur kohë. Ne duhet të ecim më shpejt se herë të tjera për t’i realizuar këto projekte, dhe për të krijuar të gjithë këtë arkitekturë të re të sektorit energjetik shqiptar, ku vite më parë askush nuk mund ta imagjinonte.
Unë e kam zët ta them, por më duhet të falenderoj ambasadoren amerikane, pasi ka qenë gurë themeli për hapjen e një dere për investime vërtetë të mëdha në vendin tonë që ka të bëjnë me diçka themeltare që është furnizimi me energji.
E kam zët ta them, sepse të falenderosh perandoritë nuk është shumë kënaqësi sjellëse, por jam mirënjohës dhe më duhet të them se pas 30 vitesh që na kanë furnizuar me parime dhe standarde, SHBA na jep vërtet karburant dhe energji. Nuk e kam për natyrë, por jeta kështu e ka, por na pëlqen të jemi në partnerit me ta dhe të gjithë së bashku këtu dhe me ata që na vëzhgojnë sepse ata thonë: “Po ju vëzhgojmë”, tha kryeministri Rama.
