Një nga të ftuarit e Bieta Sulos në “Ftesë në 5” në Top Channel, ishte edhe ish-zëvendës minstri i Arsimit, Taulant Muka.
Ai nuk ngurroi të shfaqte mbështetjen e plotë për të gjithë studentët që kanë ngritur zërin për të drejtat e tyre, duke theksuar se protesta duhet të vazhdojë.
Sipas Mukës, të rinjtë nuk duhet t’u zënë besë premtimeve të Kryeministrit apo ministres së Arsimit, pasi këta të fundit janë të vetëdijshëm që nuk dijnë të bëjnë reforma.
“Unë jam mësues vizatimi dhe Lindita është mësuese matematike, në nuk bëjmë dot reforma”, ishin këto fjalët që Rama i kishte thënë Mukës gjatë një takimi pak kohë më parë.
