Kryetari i Komisionit Parlamentar për Kosovën në Kuvendin e Serbisë, Milovan Drecun, ka dhënë një intervistë për median serbe Espresso. Ai është shprehur se shqiptarët e Kosovës dëshirojnë krijimin e “Shqipërisë së Madhe”, dhe ata duan të shkëputen dhunshëm nga territori serb.
Kur do të zhvillohet dialogu në Bruksel? Cila është çështja kryesore lidhur me Kosovën?
Ka pikëpamje krejtësisht të ndryshme për zgjidhjen e problemit të Kosovës. Nga njëra anë janë Shtetet e Bashkuara dhe shtetet kryesore perëndimore dhe sigurisht shqiptarët, ndërsa nga ana tjetër, Serbia dhe vendet që mbështesin pikëpamjet dhe interesat tona. Pse qëndrime konfliktuale? Pikërisht për shkak të statusit të Kosovës.
Së pari pasi ajo ka një pavarësi të vetëshpallur dhe për këtë arsye nuk mund të diskutohet shumë rreth statusit të saj. Serbia duhet ta pranojë si shtet, por vetëm për të pasur komunikim si fqinj. Tani për tani, njohja e këtij shteti të vetëshpallur nuk është e nevojshme.
Nga ana jonë ka një këndvështrim tjetër, ne e konsiderojmë se pranimi i qëndrimeve të njëanshme, nuk do të ishte zgjidhje, do të krijonte një krizë të re, e cila në një moment do të përfundonte me një luftë të re në rajon, sepse është e qartë se regjimi në Tiranë nuk heq dorë nga besnikëria e lartë e shqiptarëve dhe ne duam të ulemi në tryezë dhe të flasim për statusin përfundimtar të Kosovës, të bëjmë një marrëveshje.
Sepse nëse mbështeten vetëm interesat e njërës palë nuk do të ketë qëndrueshmëri afatgjatë, nuk do ketë stabilitet dhe nuk do të ketë pajtim të mundshëm mes serbeve dhe shqiptarëve.
Këto pikëpamje të kundërta transmetohen tek institucionet ndërkombëtare, ato janë gjithashtu të pranishme në OKB, por njëkohësisht është një luftë për disa parime, sepse ligji ndërkombëtar mbështetet pikërisht ndalimin e ndryshimit të qëllimshëm të kufijve të pranuar ndërkombëtarisht.
Dhe kur është fjala për vazhdimin, mund të them se Serbia është e gatshme dhe kjo varet kryesisht nga ana tjetër. Ne duam të vazhdojmë procesin e normalizimit të marrëdhënieve, por duhet të zbatohet ajo që është rënë dakord, e cila kryesisht lidhet me komunitetin e komunave serbe, sepse është e pakuptimtë të flitet më tej.
Shqiptarët nuk e shtrojnë si pyetje në rendin e ditës, si çështja e pronës, e cila është vendimtare për mbijetesën e popullit serb, sepse me konfiskimin e pronës jeni duke përfunduar në spastrim etnik të serbëve nga Kosova dhe, në anën tjetër, përveç kësaj për këtë vazhdim, do të shohim dhe do të ngremë statusin e çështjes së Kosovës. Le të flasim, ne nuk do ta pranojmë këtë shtet të vetëshpallur edhe nëse na thuhet se nuk do të anëtarësoheni në BE.
Çfarë duan shqiptarët e Kosovës?
Ata dëshirojnë “Shqipërinë e Madhe”. Ata duan që shteti i tyre të njihet dhe duan të marrin me forcë territoret tonë. Ne nuk themi gjë, shqiptarët të jetojnë në Kosovë dhe Metohi, se ata kanë të drejtën të jetojnë atje, por ata sfidojnë serbët, kundërshtojnë të drejtën e shteti të Serbisë në ato pjesë të territoreve të vendit tonë. Ata duan të fitojnë kapacitet të plotë juridik ndërkombëtar për shtetin e tyre të vetëshpallur dhe ata mund ta bëjnë këtë vetëm nëse ata e eliminojnë plotësisht praninë ndërkombëtare nga KdheM. Duke vepruar kështu, mbrojtja ushtarake e NATO-s është thelbësore nëse ato bëhen anëtarë të OKB-së. Serbia arriti ta ndalte këtë proces.
Do të ishte iluzion të mendohej se një vend i tillë, nëse kishte kapacitet të plotë juridik ndërkombëtar dhe ishte gati etnikisht i pastër, do të ishte një shtet i afërt me Republikën e Shqipërisë për t’u bashkuar me të. Kush mund ta garantojë atë dhe kush mund ta ndalojë bashkimin përfundimtar të Shqipërisë dhe një shtet të tillë të vetëshpallur. Ne shohim se ky proces tashmë po ndodh. Pra, shihni se ata krijuan një bashkim ekonomik-doganor midis Shqipërisë dhe shtetit të vetëshpallur të Kosovës. Hapi i ardhshëm do të shihet …
Burimi: espreso.rs
Përshtati: Tirana Today
