Administrata Tatimore ka risjellë në kujtesë detyrimin e bizneseve për mbajtjen e dokumentacionit tatimor dhe konkretisht atij që lidhet me përdorimin e pajisjeve fiskale mbi detyrimin për lëshimin e kuponit tatimor.
Sipas Ligjit, për çdo transaksion shitje me para në dorë, tatimpaguesi detyrohet të lëshojë kuponin tatimor prej pajisjes fiskale, të dhënat e së cilës duhet të transmetohen çdo ditë në sistemin e integruar tatimor.
Nga analiza dhe monitorimi i sistemit elektronik janë evidentuar tatimpaguesit, të cilët ndjeshëm kanë ulur numrin e kuponave të lëshuar, vlerën e kuponit apo nuk kanë respektuar detyrimin për transmetimin e të dhënave elektronike.
Për këtë arsye, ka nisur një aksion për verifikim në vend nga strukturat e zbatimit të hetimit tatimor.
