Këshilltari i Sigurisë Kombëtare, McMaster do t’i prezantojë Presidentit Trump një plan për të ndihmuar Ukrainën të blejë raketa anti-tank në një përpjekje për të shuar separatistët pro-rusë, sipas një raporti të ri.
Të martën, Këshilli i Sigurimit Kombëtar miratoi një paketë granti prej 47 milionë dollarësh që do të ndihmonte në financimin e qeverisë ukrainase për blerjen e armëve amerikane, tha një burim i paidentifikuar i Departamentit të Shtetit për ABC News.
Sipas korrespondentes së Shtëpisë së Bardhë, Tara Palmeri, McMaster do të bëjë një prezantim të planit për Trump, i cili pastaj do ta refuzojë ose do ta miratojë marrëveshjen dhe do ta dërgojë atë në Kongres.
Militantët pro-rusë kanë qenë një burim konflikti në Ukrainën lindore që nga viti 2014, pasi Rusia aneksoi Krimenë.
Sekretari i Shtetit, Rex Tillerson dhe Sekretari i Mbrojtjes, James Mattis thuhet se mbështesin një marrëveshje armësh me Ukrainën, pasi administrata e Obamës nuk pranoi të ndihmonte për të luftuar separatistët.
Një ish-ndihmës i Trump, megjithatë, theksoi për ABC News se marrëveshja mund të ketë një ndikim negativ duke dëmtuar marrëdhëniet SHBA-Rusi.
Gjatë udhëtimit të tij të fundit në Azi, pas bisedimeve me Presidentin rus Vladimir Putin, Trump la të kuptohet se ai shpreson të ketë ndihmën e Rusisë në zgjidhjen e disa çështjeve ndërkombëtare, përfshirë këtu edhe në Ukrainë.
