Pas skandalit me ujërat e zeza në plazhin e Ksamilit, ushtria ka ndërmarrë një operacion për pastrimin e tij, ku u angazhuan Forcat Detare të mbështetura dhe nga Batalioni i Mbështetjes Rajonale të Gjirokastrës.
Siç njofton ministrja e Mbrojtjes Mimi Kodheli, falë ndërhyrjes u bë e mundur parandalimi i përhapjes së ndotjes, pastrimi i bregdetit dhe dezinfektimi i tij.
Tubacionet e ujërave të zeza shpërthyen dje në drekë, duke ndotur të gjithë hapësirën e plazhit brenda pak minutash, ndërsa pushuesit u larguan të alarmuar.
Mësohet se kanë nisur hetimet për të zbuluar shkaqet që sollën shpërthimin e ujërave të zeza, për të marrë më pas dhe masat e duhura.
