Unioni i Gazetarëve Shqiptarë thekson se ndarja e papritur nga jeta e gazetares Arlinda Canaj, është një humbje e madhe për gazetarinë shqiptare, veçanërisht në atë Kulturës.
Unioni i Gazetarëve Shqiptarë e cilëson Canajn, si një nga gazetaret më të palodhura dhe tek e cila mishërohej më së miri ky profesion.
“Gazetarja e njohur e kulturës, Arlinda Canaj është ndarë papritur nga jeta. Arlinda konsiderohet një ndër gazetaret më të rëndësishme të vendit që për vite me radhë ka kontribuar në disa media të shkruara kombëtare. Se fundi Arlinda ishte gazetarja kryesore e Konica.al. Ndarja e papritur nga jeta e koleges është një humbje e madhe për fëmijët, familjen dhe komunitetin e gazetarëve shqiptarë. Gazetaria jone kulturore ka tashme një mungesë të një emri, i cili mishëronte gazetaren punëtore, të talentuar dhe kërkuese. Ajo u nda nga jeta në kulmin e moshës dhe të karrierës së vet”, shkruan në njoftimin e tij Unioni i Gazetarëve Shqiptarë.
