Conor McGregor humbi sot ndeshjen e tij të tretë përballë amerikanit Dustin Poirier. Triologjia u mbyll në mënyrën më të keqe të mundshme për të dhe për fansat. Conorin “e la” këmba në sekondat e fundit të raundit të parë (flitet për thyerje të kaviljes).
“Unë po ia grushtoja kokën e përgjakur”, bërtiti McGregor kur mjeku vendosi ta ndalojë ndeshjen, duke i dhënë kështu titullin Dustinit.. “Nuk ka mbaruar!”-vijoi McGregori nga oka ku u rrethua nga mjekët dhe trajneret.
Dëmtimi erdhi pas një tentative të dalë huq për grusht prej irlandezit në dretim të kokës së kundërshtarit, por në momentin e bërjes së bazës me këmbën e majtë, shputa anohet dhe ai bie në tokë. 11 sekonda furi grushtash nga Poirier që shfrytëzon momentin, por që në fund u desh fjala e mjekut që të akordohej rezultati.
Armiqësia e McGregor ndaj Poirier nuk është ftohur, por kjo trilogji e luftimeve ka përfunduar, të paktën tani për tani, me një tjetër fitore për armikun e tij më të butë. Poirier e mundi McGregorin për herë të dytë në gjashtë muaj.
McGregor (22 fitore-6 barazime) tani ka marrë 3 humbje në 4 ndeshjet e fundit në UFC. Nga ana tjetër Poirier numëron 6 fitore në 7 të fundit, kur kujtojmë se u përball dhe me Khabib Nurmagomedov në këtë seri.
Khabibi e komentoi menjëherë ndeshjen me një postim në rrjetet sociale ku shkruante: “E mira triumfon mbi të keqen. Shpresoj ta shoh me titull Dustin Poirierin eri në fund të vitit”.
