Pasi pati një impakt dhe sukses mjaft të madh në Botërorin e Rusisë, Video Assistant Referee, ose siç njihet me shkurtimin VAR po mendohet që të implementohet edhe në Champions League. Liga e Kampionëve është një ndër kompeticionet më të forta europiane dhe gjithmonë ka sjellë përballje spektakolare duke pasur një interes nga e gjithë bota.
Sipas asaj që shkruan “The Times”, drejtuesit e UEFA-s kanë mbetur të kënaqur nga mbarëvajtja që kishte Kupa e Botës dhe minimizimit të gabimeve të arbitrave dhe zërat e pakët për raste të dyshimta që përcaktuan ndeshjen, po mendon që ta përdori në Champions duke filluar nga çerekfinalet.
Megjithëse shefi i UEFA-s Aleksandar Ceferin më parë ka përjashtuar përdorimin e VAR në Champions, trupi qeverisës do të konsiderojë seriozisht adaptimin e tij në tre fazat e fundit të kompeticionit. Vendimi thuhet të merret në fund të shtatorit, me një takim që do të mbahet javën tjetër.
