Pas denoncimit të bërë nga kolegu demokrat Ervin Salianji, mbi udhëtimet e kreut të grupit parlamentar të PS-së, Taulant Balla me trafikantin e drogës, ka reaguar dhe deputetja e Partisë Socialiste Evis Kushi.
Me anë të një postim në rrjetin social “Facebook”, referuar datave të një prej udhëtimeve në të cilat Salianji tha se Taulant Balla ka udhëtuar jashtë shtetit me trafikantin e drogës, Edmond Bego, Kushi shkruan se bashke më kryeministrin Rama, vetë ajo dhe deputetët Balla e Kryemadhi janë nisur për një udhëtim, vizitë pune, në Bruskel, ne 8 Dhjetor 2014 ora 12.23 . Deputetja socialiste me ketë deklaratë hedh poshtë datat për të cilat Salianji tha se Taulant Balla ka udhëtuar jashtë shtetit me trafikantin e drogës, Edmond Bego.
Kushi i konsideron një çmenduri shpifjesh deklaratat e deputetit demokrat. Ajo i kujton Saliajit paketën antishpifje të propozuar nga kryeministri Rama.
‘Lexova në media se deputeti Ervin Salianji, person në hetim “për kallzim të rremë në bashkëpunim” me Babalen, kish hedhur përsëri baltë pa pikë turpi mbi Kryetarin e Grupit dhe kolegun tim Taulant Balla. Meqenëse në nje nga udhëtimet për të përfaqësuar Shqipërinë kam qenë dhe unë më datat 8-9 Dhjetor 2014, e sqaroj opinionin publik që më datë 8 Dhjetor 2014 ora 12.23 jemi nisur bashkë me Kryeministrin Rama, Deputetët Taulant Balla, Monika Kryemadhi dhe unë për në Bruksel. Gjeni bashkangjitur edhe fotografitë e vizitës. Nëse duhet edhe axhenda e takimeve gjithashtu.’ -shkruan Kushi
