Ish-ministri i Bujqësisë, Edmond Panariti, ka mohuar në mënyrë kategorike se doktoratura e udhëhequr prej tij e Doktores së Shkencave, Marsela Korçari, është plagjiturë.
Kjo kundërpërgjigje e tij në Facebook, vjen pas akuzave të Taulant Mukës, i kthyer tashmë në personazh për zbardhjen e plagjiaturave.
Ndër të tjera, Panariti justifikohet me faktin se ka ndodhur një pakujdesi në citimin e burimit të referimit të një materiali në pjesën teorike të punimit. E sipas tij, kjo nuk i jep të drejtë askujt që ta poshtërojnë znj Korçari, duke e klasifikuar punimin si plagjiaturë.
