Një sërë veprash penale rëndojnë mbi shqiptarin Flori Sejdini, i cili është ndaluar nga policia Italiane, raporton iltirreno.gelocal.it.
Ai akuzohet për vjedhje, plaçkitje madje edhe rrëmbim. Për policinë dhe prokurorinë, 26-vjeçari shqiptar, banor në Montecatini, është element kyç, ndoshta kreu i një bande evropiane të specializuar në vjedhjeve të kryera në territorin e Plains dhe Lucca.
Ai pritet të dalë më 18 janar 2019 para gjykatës dhe seanca do të drejtohet nga Riccardo Nerucci.
Këtë herë ai akuzohet për 16 vjedhje. Më parë, në 2016 ai kishte përfunduar në burg për një seri grabitjesh në zonat e Altopascio dhe Ponte Buggianese.
Ndërsa këtë herë plaçkitjet ai i ka kryer në shtëpi dhe apartamente në Capannori, Lucca, Altopascio, Pistoia dhe Pescia.
Ndaj tij rëndojnë akuza shumë të rënda: rrëmbim dhe grabitje.
Mbrëmjen e 26 marsit një grup i përbërë nga tre banditë të maskuar bastisën në shtëpinë e një 84-vjeçari në Capannorese. Në momentin e grabitjes i moshuari ishte në shtrat.
Për më shumë se një orë plakun e kishin detyruar që të rrinte pa lëvizur pas derës. Ata i kërkuan të mos lëvizte derisa plaçkitën të gjitha paratë dhe bizhuteritë që i përkisnin gruas së tij, e cila kishte ndërruar jetë. Ata arritën të merrnin mbi 5 mijë euro.
Pensionisti kishte arritur t’u ikte. Ashtu i veshur me rroba gjumi ai kishte trokitur në derën e fqinjit dhe kishte njoftuar policinë. Hetimet zbuluan se një nga anëtarët e grupit kishte qenë shqiptari, i cili mendohet të jetë edhe ‘koka’ e grupit.
Sipas policisë 5 ditë më vonë, banda bastisi në një tjetër banesë. Pronari identifikoi makinën një Renaul Clio, me të cilën ikën grabitësit.
Policia i ndoqi, por ata çanë postbllokun duke aksidentuar karabinierët. Në timon, sipas hetimeve ishte Flori Sejdini./Përshtati: Tirana Today/
