Duket se debati i nxehtë mes Taulant Mukës dhe Edmond Panaritit nuk është lënë me postimin e këtij të fundit. Ish Zv.Ministri i Arsimit, Taulant Muka, i cili qëndroi në detyrë vetëm për dy javë, duke dhënë më pas dorëheqjen me argumentin se puna e qeverisë nuk pajtohet me botëkuptimin dhe etikën e tij, thotë se adresimi është i gabuar.
Udhëhoqi doktoraturën plagjiaturë/Ja si justifikohet Panariti
Që në krye të statusit në Facebook, Muka sqaron se plagjiaturën ia zbuloi Vladimir Kola. Duke sqaruar këtë situatë qesharake përmes disa pikave, Muka i referohet edhe faktit që Panariti e cilëson si një pakujdesi në citimin e burimit të referimit të një materiali, në pjesën teorike të punimit.
Ai shton më tej se e vërteta është se në tekstin e Tezës janë marrë faqe të tëra nga studimi i FAO, me titull “Marine biotoxins”, i vitit 2014. Në asnjë rast nuk shihen thonjëzat (apo shkrimi kursiv), as nuk është referuar dhe nuk është vënë fare te lista e literaturës së konsultuar.
Ndodhur në këto kushte ai pyet: A nuk është kjo plagjiaturë? Duke dëshmuar për pastërinë e tij, ai i thotë Panariti mund ta dërgojë në gjyq, nëse pjesa e Tezës të cilën e ka përmendur në analizë nuk është plagjiaturë, apo nëse shpif.
