Gjendet e pajetë shkencëtarja 34-vjeçare Natalie Christopher, e cila u shpall e zhdukur pak ditë më parë në ishullin grek të Ikarias. Trupi i saj u gjet ditën e djeshme në fund të një gryke të thellë, 20 metra pranë plazhit Kerame nga një zjarrfikës vullnetar.
Christopher kishte dalë për të bërë vrapin e mëngjesit, por fatkeqësisht nuk është kthyer më në dhomën ku ishte akomoduar së bashku me partnerin e saj.
38-vjeçari pasi është zgjuar nga gjumi ka parë në dhomë një letër, në të cilën shkencëtarja i shkruante se ka dalë për vrapin e mëngjesit, por kaluan orë dhe ajo nuk u kthye.
Ky nuk është rasti i vetëm që po ndodh në shtetin grek. Ishte dhe rasti i shkencëtares amerikane, Suzanne Eaton, trupi i së cilës u gjet i pajetë brenda një bunkeri të Luftës së Dytë Botërore, pas një jave e humbur.
