Muajin e kaluar, ambasadori i OSBE Berndt Borchard bëri një veprim të turpshëm kundrejt banorëve të Unazës së Re. Teksa këta të fundit së bashku me mbështetës të opozitës po qëndronin përpara Drejtorisë së Policisë së Tiranës, në mbështetje të banorëve të arrestuar, ambasadori i ka përshëndetur me një gjest të turpshëm.
Në momentin që banorët thërrisnin “Rama ik”, ambasadori u ka treguar gishtin e mesit. Siç duket, ky gjest nuk është harruar nga gratë e Astirit, të cilat duket se kanë marrë hak sot.
Borchard është përballur sot me një të papritur, teksa merrte pjesë në një konferencë ku fliste për lirinë e medias.
Gratë të Astirit i janë futur në mes të konferencës, dhe me pankarta kanë protestuar kundër ambasadorit.
“Bochardt të shpallet non grata”, ishte një nga parrullat e tyre.
Organizatorët arritën ti nxjerrin jashtë gratë protestuese, dhe Borchardt mori fjalën për të folur për lirinë e medias. Ai tërhoqi vëmendjen duke thënë se “ju kërkoj ndjesë për faktin se këto persona u lejuan të hyjnë brenda”.
